Özbəkistanın ekoloji partiyasının nümayəndələri ölkədə su qıtlığının aradan qaldırılması üçün yağış suyuna keçid təşəbbüsünü səsləndirib.
Suinfo.az xəbər verir ki, bu barədə "New Times" nəşri məlumat yayıb.
“Su stresindən əziyyət çəkən dövlətlərin reytinqində Özbəkistan 164 ölkə arasında 25-ci yeri tutub. Bu o deməkdir ki, biz su stresinin “yüksək” səviyyədə olduğu ölkələr sırasındayıq. Bu vəziyyətdə mövcud su mənbələrindən, o cümlədən qar və yağışdan səmərəli istifadə ən optimal həll yollarından biridir”, - deyə Partiya bildirib.