Qədim Misir piramidalarının yaxınlığında Nil çayının qurumuş qolu tapılıb. 

Suinfo.az xəbər verir ki, bu kəşflə bağlı misirşünas alimlərin mübahisələri “Communication Earth and Environment” elmi jurnalında dərc olunub.

Tanınmış arxeoloq Zahi Havass, Qədim Misir Araşdırma Assosiasiyasının direktoru, amerikalı misirşünas Mark Lehner birgə açıqlamalarında qeyd ediblər ki, bu günə qədər piramidaların niyə məhz bu xüsusi ərazidə olması ilə bağlı heç bir inandırıcı izahat verilmədiyi iddiaları doğru deyil. Onlar əlavə ediblər ki, hər kəs Qədim və Orta Dövr Krallığının piramidalarının Misirin ənənəvi paytaxtı Memfisin qərbindəki qəbiristanlıqlara aid olduğunu bilir. Alimlər bir əsrdən artıqdır ki, Nilin qərb qolunun və ya Libeyini kanalının piramidalara çıxışı təmin etdiyini irəli sürürlər. Eyni zamanda, 53 il əvvəl fransız misirşünas Corc Qoyon Nilin qərb qolu, piramidaları və onların vadi məbədlərini birləşdirən kanal ideyasını inkişaf etdirib.

Alimlərin iddialarına görə, tədqiqatlar bir əsrdən artıqdır ki, limanların piramida keçidlərinin sonunda, vadi məbədlərinin qarşısında, Abusir körfəzində və Xentkaves hövzəsi kimi vadi girişlərində mövcud olması fərziyyəsini araşdırıblar. Gizadakı mərkəzi vadinin girişində və ya daha da qərbdə - Dahşurda cənub vadisinə qədər olan hövzə buna misaldır. Alimlər bu hövzələrin Nilin səviyyəsinin ən yüksək olduğu illik daşqın zamanı suvarma mənbəyi ola biləcəyi fikrini müzakirə edirlər. Onlar Xufu, Xafre və Menkaure limanlarında sərhədləri və meyarları da aşkar ediblər.

Hər iki misirşünas 1995-ci ildə Misir hökumətinin hazırladığı xəritələri rəqəmləşdirib və Libeyini axarında Nilin qərb qolunu yenidən təsvir etmək üçün “National Geographic” jurnalı ilə birgə işləyib. Nəticədə, Nilin qərb qolunun rəngli görünüşü tərtib edilib. Bundan başqa, Havass və Lehner Libeyini boyunca relikt qərb Nil kanalını qeyd edən dərin çuxurun miqyaslı modelini də hazırlayıblar.

(Azərtac)