Nohur gölündə suyun səviyyəsi artdı-  Ətraf ərazilər üçün təhlükəli vəziyyət YARANDI

Nohur gölündə suyun səviyyəsi artdı-  Ətraf ərazilər üçün təhlükəli vəziyyət YARANDI

Ekologiya

2 İyul 2024, 10:04

Qəbələdə Nohur gölündə suyun səviyyəsi artıb.

 

Suinfo.az xəbər verir ki, bu barədə Fövqəladə Hallar Nazirliyindən (FHN) bildirilib.

 

Qeyd olunub ki, nazirliyin “112” qaynar telefon xəttinə intensiv yağışlar səbəbindən Qəbələ rayonu, Nohurqışlaq kəndi ərazisindəki Nohur gölündə suyun səviyyəsinin artması və ətraf ərazilər üçün təhlükəli vəziyyətin yaranması barədə məlumat daxil olub.

 

Bununla əlaqədar əraziyə FHN-in Şimal-qərb Regional Mərkəzinin qüvvələri cəlb olunub.

 

Mərkəzin qüvvələri tərəfindən gölün daşmasının qarşısını almaq məqsədi ilə suyun səviyyəsinin endirilməsi və digər müvafiq təhlükəsizlik tədbirləri həyata keçirilib.

Suinfo.az reklam
Modern.az son xəbərlər
Sayta keçid et