Hazırda həm yerli çaylarda həm də Tranzit çaylarda sululuq ötən il ilə müqayisədə çoxdur.
Bunu Suinfo.az-a açıqlamasında Milli Hidrometeorologiya Xidmətinin Hidrologiya mərkəzinin direktoru Asif Verdiyev söyləyib.
O bildirib ki, ay ərzində Böyük və Kiçik Qafqazın çaylarında sululuq normaya yaxın və bir qədər çox, Lənkəran-Astara bölgəsi çaylarında normadan azdır.
"Hazırda çaylarda gursululuq dövrü müşahidə olunur. Aprel ayında ölkə ərazisinə yağan yağıntılarla əlaqədar eyni zamanda havanın temperaturunun artması və dağlıq ərazilərdə qarın əriməsi nəticəsində respublikanın daxili çaylarında o cümlədən Tranzit çaylarda sululuğun artımı müşahidə olunmuşdur. Ay ərzində Böyük və Kiçik Qafqazın çaylarında sululuq normaya yaxın və bir qədər çox, Lənkəran-Astara bölgəsi çaylarında normadan azdır. Tranzit çaylarda isə normaya yaxın və bir qədər azdır", - deyə direktor əlavə edib.