Su içmək bədən sağlamlığı üçün son dərəcə vacibdir. Gündəlik suyun lazımi vaxtda və lazımi miqdarda istehlakı orqanizmin sağlam işləməsini təmin edir. Lakin bir çox insanlar su sərfiyyatı ilə bağlı yanlış məlumatlara malik olduqlarından və ya bu məsələ ilə maraqlanmadığından lazım olan qədər suyu istehlak edə bilmirlər.

Bəs, insanlar gündə nə qədər su içmək lazımdır?

Suinfo.az qeydolunan mövzuyla bağlı araşdırmanı təqdim edir.

Səhər oyanan kimi bir stəkan su içmək mədə və bağırsaqların hərəkətliliyini artırır, həzmi asanlaşdırır. O, həmçinin gecə ərzində bədəndə yığılan toksinləri çıxarmağa kömək edir və maddələr mübadiləsini sürətləndirir.

Nahar zamanı müəyyən fasilələrlə su içmək aclıq hissini azaldır və çəkini idarə etməyə kömək edir. O, həmçinin həzmi asanlaşdırır və bağırsaqlardakı tullantıları bədəndən çıxarır.

Axşam yeməyindən sonra və gecə yatmazdan əvvəl bir stəkan su içmək həzmi dəstəkləyir və mədə yanmasının qarşısını alır. Ancaq axşam saatlarında çox su içmək gecə tez-tez tualetə getməyinizə və yuxunuzun pozulmasına səbəb ola bilər.

Həmçinin, məşq edərkən bədən tərlədiyi üçün su itirir . Məşq zamanı və məşqdən sonra kifayət qədər su içmək bədəni nəmləndirir, əzələ ağrılarını azaldır və performansı artırır. Su içmək də məşqdən sonra bədəndən toksinlərin çıxarılmasına kömək edir.